प्रदेश

थालेसिमियाको औषधि अभाव

- कान्तिपुर संवाददाता , काठमाडौं

कार्तिक २५, २०७४-सामान्य मानिसले उपचार खर्चै जुटाउन मुस्किल पर्ने थालेसिमियाको औषधि पैसा तिरेर पनि पाइँदेन । नेपाल थालेसिमिया सोसाइटीको एक अध्ययनअनुसार नेपालमा ९७ प्रतिशत गरिब र दलित समुदायका बालबालिकामा यो रोग लाग्ने गरेको छ । नेपालमा यो रोगको औषधि खपत नै कम भएकाले सबै फार्मेसीले औषधि बेच्न नमान्ने थालेसिमिया सोसाइटीका अध्यक्ष दुर्गा पाठकले बताए । थालेसिमिया रोगीका दम्पतीबाट जन्मने ५० प्रतिशत सन्तानमा यो रोग देखिने चिकित्सकहरू बताउँछन् । यो रोगका ५ प्रतिशत बालबालिका मात्रै औषधि किनेर खान सक्ने परिवारबाट हुने अध्यक्ष पाठकले बताए ।

काठमाडौं नारायणटारका ९ वर्षीय एन्जेल ढुंगाना २ वर्षदेखि थालेसिमिया बिरामी हुन् । उनलाई रगतको क्यान्सर नै भएको छ, उनलाई तीन सातामा रगत फेर्नुपर्ने उनकी आमा कमलाले बताइन् । ‘महिनामा ५ हजारको औषधि खानुपर्छ, एकातिर औषधि खर्चका लागि भांैतारिनुपर्छ, अर्कातिर भनेका बेलामा फार्मेसीमा औषधि पाइँदैन,’ उनले भनिन् । बालरोग विशेषज्ञ अजित रायमाझीका अनुसार थालेसिमिया शरीरमा राम्रोसँग रक्तकोषको विकास हुन नसक्दा देखापर्ने रोग हो ।

 

प्रकाशित: कार्तिक २५, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार