कोपिला

पढ्न जाऊँ

चैत्र ६, २०७३- धनीहरूका छोराछोरी स्कुल पढ्न जान्छन्
गरिबका छोराछोरी हलो जोती खान्छन् 

जानुपर्छ साथी हो स्कुल पढ्नलाई
शिक्षित बनी देश विकास गर्नलाई

दु:खीलाई सहयोग गर्ने कर्तव्य हो हाम्रो
नेपालीले नेपाललाई बनाऊँ न राम्रो

आऊ साथी सहभागी हुनलाई
टोल समाज सरसफाई गर्नलाई । 
 
सुरज केसी, कक्षा–४
प्रगति प्राथमिक विद्यालय, ललितपुर



पुस्तक

दिन्छु ज्ञान तिमीलाई नयाँ पुराना
मैले सिकाएको सभ्यता तिमी मान ।
सुधार्छु सबलाई एकएक गरी
सबजनाका हातहातमा म परी ।।

विश्वमा नै चर्चित म कस्तो
उद्यमी बनाउँछु सबलाई यस्तो ।
अन्धविश्वास ल्याउने र हटाउने दुवै 
काम गर्छु अनौठो म खुबै ।।

कहिले आँसु कहिले हाँसो म ल्याउँछु 
सबका मनमा सदा स्थान म पाउँछु ।
सभ्य र शिक्षितले सधैं माया गर्छ 
अज्ञानी र बुद्धुले मलाई हेला गर्छ ।।

खोलेर हेर्नु मेरो वदन एकपटक
सिकाउनेछु तिमीलाई अनौठो चटक ।
बालकदेखि वृद्धसम्म चर्चा मेरो चल्छ ।
सबको मगजमा नयाँ बत्ती बल्छ ।।

हेला नगर्नु कहिल्यै मलाई 
पछुताउनु पर्ला आगोमा जलाई ।
जथाभावी नफाल्नु मलाई दुरुपयोग नगर्नू
काम दिन्छु म तिमीलाई सधैंभरि जान्नू ।।
 
सुल्तान सिद्दिकी, कक्षा–९
जनजागृति माध्यमिक विद्यालय, बाग्लुङ

प्रकाशित: चैत्र ६, २०७३

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार