फेसनमा ‘नेपाल’

दिनेशजंग शाह, श्रावण २७, २०७४

फेसन दुनियाँका लागि पेरिस पछि उम्दा मानिन्छ, न्युयोर्क । जसको विविधता नै अनुपम परिचय हो । यही विविधता नै खासियत हो, जसले न्युयोर्क फेसनलाई संसारमा पेरिस भन्दा पृथक रूपमा हेरिन्छ । यसै पृथकताको कसीको नेपाललाई झल्काउने प्रयास हुदैछ्, न्युयोर्कमा । जसलाई अभियानको नाम दिईएको छ ‘वल्र्ड पिस एन्ड फेसन परेड ।’ चार बर्षदेखिको यो अभियान, अहिले स्टेजमा छाउन थालेको छ । विदेशी मोडेलहरू, बिशेषत अमेरिकी मार्फत नेपाली कला, पर्यटन र संस्कृतीलाई फेसन मार्फत पस्किदैछ । 


अभियानलाई नेतृत्व दिईरहका छन्, ३८ बर्षीय राजा घिमिरे । ‘फेसन मार्फत नेपाललाई चिनाउ भन्ने हाम्रो ध्येय हो,’ घिमिरेले भने, ‘जसका लागि नेपाली सुन्दरतालाई अन्तर्राष्ट्रिय फेसन परेडमा पस्किदैछौं ।’ अभियानलाई निरन्तरता हो, आगामी सेप्टेम्बरमा, अर्काे वल्र्ड पिस फेसन परेड हुँदैछ । सयुक्त राष्ट्र संघको ७२ औं महासभाको अवसरलाई छोपिएको छ । फेसन दुनियाको अदभुत स्टेज एवम मंहगो मानिने प्लाजा होटललाई स्थान छनोट गरिएको छ । 
नारालाई केही परिमार्जित गरिएको छ, ‘फेसन फर पिस एन्ड फेसन फर म्युजिक ।’ एक लाख दस हजार डलर लगानी हुनेछ । नेपाली पहिरहन एवम कलात्मक प्रस्तुतीलाई स्टेजमा उतारिनेछ । मुलत: श्वेत, अश्वेत अमेरिकी मोडलहरू नै उत्रनेछन् । फरक हुनेछ त केवल, उनीहरूको नेपाली पहिरन एवम प्रस्तुतीमा । घिमिरेले थपे, ‘पाँच जना नेपाली मोडेललाई पनि स्थान दिईने योजना छ ।’ सो लाई मध्यनजर गर्दै परेडको ‘एप्स’ को निमार्ण गर्दैछन्, उनी । 
एप्सले मोडेल, डिजाईनर बारे विस्तृत जानकारी दिनेछ । यो अभियानकै एक सफल अध्याय हुनेमा उनी आशावादी छन् । सो पहिले नै एप्स लन्च गर्ने योजनामा छन् । न्युयोर्कको नेपाली बस्तीमा सानोतिनो व्यापार, व्यवसाय गथ्र्ये, घिमिरे । सन २०१३ मा योजना बनाए उनले, फेसन दुनियाँमा छिर्ने । पछाडि फर्किदै भने, ‘सातामै दर्जनौं दर्जन फेसन सो हुने न्युयोर्कमा मैले आफनो भाग्य अजमाउने सपना बुने । केही बर्षको अध्ययन, अनुसन्धान पछि, म होमिए । अहिले पछुतो छैन् ।’ 


उनी हौसिएका छन्, निकटमै फेसनले पैसा फलाउने छ । तीन वर्षको मिहिनेतपछि, गत वर्षको भ्यालेन्टाईन डे मा ‘वल्र्ड फेसन परेड’ गरियो । परेडको थलो थियो, टाइम्स स्क्वायरको ‘क्राउन प्लाजा’ होटल । पन्चकन्यालाई ‘रंगीन विश्व’ को रूपमा प्रस्तुत गरियो । मादलको धुनमा दौरा सुरुवालमा सजिएका अमेरिकी हिप्पीहरू स्टेजमा उत्रिए । मोडलहरूले नेपाली धोती चोलीमा क्याटवाक गरे । ग्रागी देखि डोको, हसियाँ, खुर्पेटो हुँदै पन्चेबाजा बोकेका मोडलहरूको प्रस्तुतीले हलमा उपस्थित सयौंको ध्यान खिच्यो । 
उत्साह झनै थपियो । अर्काे फेसन परेडको आयोजना गरियो । विश्वकै फेसन दुनियाँमा भव्य हल मानिने न्युयोर्ककै गाथम हलले उनको सपना थप उचाई दियो । विभिन्न देशका मोडेलहरूलाई स्टेजमा उतारे । बुद्व जन्मिएको, नेपाल र नेपालीहरू, बुद्वका अनुयायी भन्दै नारा बन्यो ‘फेसन फर पिस ।’ सुरुवातमा घिमिरेको ध्याउन्न थियो, नेपालको प्रतिनिधत्व होस । भिज्दै गएपछि उनले बुझे, पैसा बनाउन सकिन्छ । कसरी ? उनले भने, ‘न्युयोर्कको भव्य बजारमा डिजाईनर नै पैसा फलाउने मेसिने हो ।’ 
डिजाइनहरू आमन्त्रित गरिन्छ । एक डिजाईनरले दश देखि तीस डिजाईनहरू देखाउने गर्छ् । दस वटासम्मलाई चार देखि पाच हजार डलर शुल्क लिईन्छ । १५ वटालाई ६ हजार डलर अनि त्यसभन्दा बढीको प्रर्दशनीलाई १० हजार डलर हुन्छ । मिडिया, मोडल, पब्लिसिटी, आयोजकले उपलब्ध गराउँछन । मोडललाई शुल्क तिरिन्छ । आफनो फेसन एप्सले आर्थिक पाटोलाई बलियो बनाउनेमा आशाबादी छन् । अन्तर्राष्ट्रिय प्लेटफर्ममा तीन पटक उनले नेपाली डिजाइनरलाई नि:शुल्क उपलब्ध गराए । 
युबी थापा, शिवागी प्रधान,रसना श्रेष्ठ, पुनम क्षेत्रीलाई मौका दिए । उनीहरू नेपालका सेलिब्रेटी डिजाईजर हुन । घिमिरेले नेपाली मोडललाई पनि पस्केका छन् । दीपक घिमिरे, जागबु शेर्पालाई र्‍यापमा हिडाए । नेपाली पहिरनलाई पस्किए । आगामी सो बाट उत्साहित घिमिरेले कुराकानीको अन्त्यमा भने ‘विश्व फेसनको दुनियामा नेपालको अस्तित्वलाई सेप्टेम्बर २२ को चिनाउने मदत गर्नेछ ।’ प्लाजा होटलको सोपछि लिंकन स्टेजमा उत्रिने उनको महत्त्वाकांक्षा छ । 

 

पूरा पढ्नुहोस्

फेसबुक स्टोरी डेस्कटपमा पनि

कान्तिपुर संवाददाता , श्रावण २७, २०७४

केही महिना अघि फेसबुकले आफ्नो मोबाइल एपको लागि सुरु गरेको स्टोरी फिचर डेस्कटपमा पनि सुरु गर्ने भएको छ । फेसबुकले स्टोरी फिचर डेस्कटपको लागि केही प्रयोगकर्तामाझ परीक्षण गरिरहेको छ ।
पूरा पढ्नुहोस्

फोन गर्न मिल्ने वाच बनाउँदै एप्पल

कान्तिपुर संवाददाता , श्रावण २७, २०७४

एप्पल वाचले आइफोनसँग मात्रै काम गर्छ । एप्पलले आइफोनको सहायकता बिना नै काम गर्न सक्ने एप्पल वाच बनाउँदै गरेको रिपोर्ट सार्वजनिक भएको छ । कम्पनीसँग निकटहरूलाई उद्धृत गर्दै सार्वजनिक भएको समाचार अनुसार आगामी एप्पल वाचले फोन गर्नका लागि आइफोनको सहायता लिने छैन् ।
पूरा पढ्नुहोस्

स्काइपमा नयाँ सुविधा

कान्तिपुर संवाददाता, श्रावण २७, २०७४

अघिल्ल्लो महिना नयाँ थिमका कारण प्रयोगकर्ताबाट आलोचना खेपेको स्काइपले नयाँ अपडेटमा प्रयोगकर्ताको लागि केही नयाँ फिचर थपेको छ । गुगल प्ले स्टोरमा उपलब्ध नयाँ अपडेटमा प्रयोगकर्ताले स्काइप च्याट रिअर्डर गर्ने सुविधा छ ।
पूरा पढ्नुहोस्

स्टाइलिस, पावरफुल र प्रिमियम

श्रावण २७, २०७४

यामाहा मोटरसाइकलको पारखी हुनुहुन्छ? या यामाहाकै अलि बढी सीसीको मोटरसाइकल चलाउन चाहानुहुन्छ? यसो हो भने मोरङ अटो वर्क्स (एमएडब्लू) इन्टरप्राइजेजले केही दिनमै नेपालमा यामाहा एफजी २५ लन्च गर्दैछ ।
पूरा पढ्नुहोस्

बिटक्वाइन ‘बबल’

हेल्लो शुक्रबार, श्रावण २७, २०७४

बिटक्वाइन नेपालमा मात्रै नभई संसारभर नै भर्चुअल संसारमा चाख राख्नेहरूबीच मात्रै लोकप्रिय थियो । अब भने त्यस्तो स्थिति नरहला किनभने अघिल्लो वर्षदेखि विटक्वाइनको भाउ लगातार उकालो लागिरहेको छ र पछिल्लो केही महिना यसको भाउ अचाक्ली बढेको छ ।
पूरा पढ्नुहोस्

दंग साम्राज्ञी र सलिनमान

सुशील पौडेल, श्रावण २७, २०७४

‘ड्रिम्स’ डेब्यू नायिका साम्राज्ञी राज्यलक्ष्मी शाहले पहिलो फिल्मबाटै यतिधेरै विश्वास जितिन् की दोस्रो फिल्म ‘ए मेरो हजुर २’ रिलिज नहुँदै पाचौं फिल्म खेलिसकेकी छन् । ‘मंगलम’ मा सानो भुमिकामा देखिएकी साम्राज्ञी यतिबेला ‘इन्टु मिन्टु लन्डनमा’ को सुटिंगमा छिन् ।
पूरा पढ्नुहोस्

परफेक्ट फर विकेन्ड

-सुरज कुँवर, श्रावण २७, २०७४

अति बिजी, अनि काठमाडौंबाट केही घन्टा वा दिनका लागि एकान्तमा विदा लिने मनसाय बनाउनु भएको छ भने तयार हुनुहोस । धेरै टाढा होइन, दरबारमार्गबाट मात्र १६ किलोमिटरको दूरीमा पर्ने पातलेवन भाइनयार्ड रिसोर्ट ठीक हुन सक्छ ।
पूरा पढ्नुहोस्

प्रिमियर लिगको रौनक

विनोद पाण्डे, श्रावण २७, २०७४

सिजन सुरुआतको एक साता अगाडि विश्वका प्रमुख फुटबल लिगहरूमा गत वर्षको घरेलु उपाधि जितेका दुई टोली भिड्ने गर्छन् । परमपरागत यस खेलले सिजन सुरुआत हुन लागेको जनाउँछ । कम्युनिटी सिल्ड इंग्लिस प्रिमियर लिग सिजन सुरुआतको प्रतिस्पर्धा हो ।
पूरा पढ्नुहोस्