मनोरञ्जन

फोटोमा ‘कागजपत्र’

- कान्तिपुर संवाददाता , काठमाडौं

मंसिर २१, २०७४-नाजिर हुसेन र शिल्पा मास्के लिड रोलमा रहेको फिल्म ‘कागजपत्र’ का सुटिङ फोटाहरू सार्वजनिक भएका छन् । सामाजिक प्रेमकथा बुनिएको अपिल विष्ट निर्देशित उक्त फिल्म यति बेला दाङको तुलसीपुरमा छायांकन भइरहेको छ ।

सार्वजनिक गरिएका फोटामा फिल्मका मुख्य कलाकार नाजिर र शिल्पासहित भोलाराज सापकोटा, सरिता गिरी, खिलेन्द्र तिमल्सिना लगायतको चरित्र झल्किएको छ । गाउँको पृष्ठभूमि झल्कने फोटामा चरित्रहरू पनि गाउले नै लाग्छन् । अपिलकै लेखन रहेको फिल्मलाई अस्ट्रेलियन सिनेमाटोग्राफर क्यस्मिर डिक्सनले खिचिरहेका छन् ।

वल्र्ड वाइड फिल्म्सको प्रस्तुति रहने ‘कागजपत्र’ लाई खिलेन्द्र तिमल्सिना, मुकेश रेग्मी, प्रजापती सिवाकोटी, सुदीप उप्रेती र मनीष खत्रीले संयुक्त रूपमा निर्माण गरेका हुन् । अपिलले यसअघि ‘झुम्की’ निर्देशन गरेका थिए ।

 

प्रकाशित: मंसिर २१, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार