साहित्य/विविध

पूर्वमा ‘लाटीको छोरो’

- कान्तिपुर संवाददाता , काँकडभिट्टा

आश्विन २७, २०७४-राजधानीमा प्रसंशा वटुलेको नाटक ‘लाटीको छोरो’ पूर्वका सहरहरूमा देखाइने भएको छ । 

विर्तामोडमा विहीवार पत्रकार सम्मेलनमार्फत पूर्वका विर्तामोड, झिलझिले, दमक, धरान, इटहरीलगायतका स्थानमा नाटक प्रदर्शन गरिने जनाइएको हो । लेखक श्याम साहको कथा संग्रह ‘अव्वा’ को एउटा कथा लाटीको छोरोलाई रंगकर्मी शुलक्षण भारतीले नाट्य रुपान्तरण तथा निर्देशन गरेका छन् । उनले यसअघि ‘वोक्सीको घर’ र विलगेट्स पण्डित’वाट दर्शकको मन जितेका थिए । 

नाटकको प्रोडक्सन डिजाइनर तथा रंगकर्मी प्रकाश दाहालले विर्तामोडमा कात्तिक २५ देखि २९सम्म, झिलझिलेमा मंसिर १ र २ गते प्रदर्शनको टुंगो लागेको बताए । ‘दमक, इटहरी, धरानलगायतका सहरमा पनि नाटक प्रदर्शनको चाजो मिल्दैछ’, उनले भने । 

हेल्पिङ हेन्ड्स, क्षिजित नाट्य समुह, सैनिक युथ क्लव तथा कृपा नेपालले नाटक प्रदर्शनमा सहकार्य गरेका छन् । नाटकमा तराई मुलकी एउटा अवोल र वेवारिसे महिलाको कथालाई जोडेर नेपाली समाजको यथार्थ चित्रण गर्न खोजिएको छ । नाटकमा दिग्गज कलाकार टीका पहाडीले यही नाटकमार्फत २६ वर्षपछि रंगमञ्चमा अभिनय गरेका छन् । 

 

प्रकाशित: आश्विन २७, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार