अर्थ / वाणिज्य

बजाजले ल्यायो सानो कार

- कान्तिपुर संवाददाता , काठमाडौं

श्रावण २, २०७४- भारतको मोटरसाइकल निर्माता कम्पनी बजाजले सानो कार बजारमा ल्याएको छ । कार नभनेर चारपांग्रे सवारी साधन भनिएको यसलाई धेरैले यसलाई मोटरसाइकलकै परिष्कृत रूप पनि भन्ने गरेका छन् । यसको इन्जिन क्षमताले पनि त्यही देखाउँछ । बजाजको वेबसाइटका अनुसार यसको इन्जिनको क्षमता २ सय १६ सीसी मात्रै छ । 
तर, यसमा पावर स्टेरियरिङ, पावर विन्डोको सुविधा छ । चार पांग्रा छन् । अगाडि दुई र पछाडि दुई जाना बस्न सक्ने भएकाले यो नानो कारको प्रतिस्पर्धी भनेर पनि भारतीय सञ्चार माध्यमले जनाउने गरेका छन् । यसको इन्जिन पछाडि राखिएको र तौल पनि कम छ । बजाजका अनुसार यसको तौल ४ सय ५० किलो मात्रै छ । ‘यो बजारमा उपलब्ध अन्य साना कारभन्दा ३७ प्रतिशत कम तौल भएको गाडी हो,’ बजाजको वेबसाइटमा उल्लेख छ । गाडीमा अगाडिपट्टि (धेरैजसो गाडीको इन्जिन हुने ठाउँ) लाई सामान राख्ने स्थानका रूपमा बनाइएको छ । यसलाई बजाज क्युट नाम दिइएको छ । सानो क्षमताको इन्जिन भए पनि कारका रूपमा विकसित गरिएकाले यसलाई सुरक्षित मानिएको छ । यसलाई सीएनजी वा एलपीजीबाट चलाउन सकिने उल्लेख छ । यसको बजार मूल्य भारतमा कम्तीमा १ लाख ३२ हजार रहने भारतीय सञ्चार माध्यमले जनाएका छन् । 

प्रकाशित: श्रावण २, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार