विश्व

संसद्मै स्तनपान गराइन् सांसदले

- बीबीसी, सिड्नी

वैशाख २८, २०७४-अस्ट्रेलियाकी सांसद लारिस्सा वाटर्स आफ्नो बच्चालाई संसद्मै स्तनपान गराउने पहिलो सांसद बनेकी छन् । तल्लो सदनले गत वर्ष महिला सांसदहरूलाई आफ्ना सन्तानलाई संसद्मै स्तनपान गराउने स्वीकृति दिएको थियो । त्यसयता पहिलो पटक वाटर्सले आफ्नो दुईमहिने छोरी आलिसा ज्वायलाई स्तनपान गराएकी हुन् । 

उनी ग्रिन पार्टीकी सहउपाध्यक्ष तथा सांसद हुन् । उनी सुत्केरी बिदाबाट मंगलबार मात्र संसद् फर्किएकी थिइन् । 

संसद् चलिरहँदा बच्चा भोकले रोएपछि उनले स्तनपान गराएकी थिइन् । मंगलबार नै ट्वीट गर्दै वाटर्सले भनेकी छन्, ‘मेरी छोरी आलिया संसद्मा स्तनपान गर्ने पहिलो बच्चा बनेकोमा मलाई गर्व छ, हामीलाई संसद्मा अरू पनि महिलाहरूको आवश्यकता छ ।’

उनले बच्चालाई दूध खुवाउँदा अन्तर्राष्ट्रिय समाचार बन्नु हास्यास्पद भएको बताइन् । उनले संसद्मा भएका अन्य महिलालाई सन्देश दिन पनि यसो गरेको बताइन् । 

गतवर्षसम्म सांसदहरूले बच्चालाई दूध खुवाउनुपर्दा संसदीय कार्यालयमा जानुपथ्र्यो । यो नियम परिवर्तन गराउनमा वाटर्सले प्रभावकारी भूमिका निर्वाह गरेकी थिइन् ।

प्रकाशित: वैशाख २८, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार