विश्व

आमनिर्वाचन घोषणा संसद्‍द्वारा पारित

- बीबीसी, लन्डन

वैशाख ७, २०७४- बेलायती प्रधानमन्त्री टेरेजा मेले आगामी जुन ८ मा आमनिर्वाचन गर्न गरेको प्रस्तावलाई संसद्ले पारित गरेको छ । प्रधानमन्त्री मेले तीन वर्षको कार्यकाल बाँकी छँदै आकस्मिक रूपमा मंगलबार आमनिर्वाचन गर्ने घोषणा गरेकी थिइन् । युरोपियन युनियनबाट अलग हुने ब्रेक्जिट वार्तामा आफ्नो स्थितिलाई मजबुत बनाउने उद्देश्यले आमनिर्वाचन गराउन लागेको मेले बताएकी छन् । 

प्रधानमन्त्री मेले संसद्मा राखेको आमनिर्वाचन घोषणासम्बन्धी प्रस्ताव ५ सय २२ मतले पारित भएको हो । संसद्को ६ सय ५० सिटमा यो प्रस्ताव पारित गर्न दुई तिहाइ मत आवश्यक पर्थ्यो । प्रस्तावको विपक्षमा १३ मत परेको छ । 

यसअघि समयअगावै निर्वाचन नगराउने धारणा राख्दै आएकी मेले मंगलबार अकस्मात् रूपमा निर्वाचन गराउने घोषणा गरेकी हुन् । यो निर्वाचनले ब्रेक्जिट वार्तामा ढिलाइ हुनेछ । प्रधानमन्त्री मे र युरोपेली आयोगले ब्रेक्जिट वार्ता निर्वाचनपछि सुरु हुने बताएका छन् ।

प्रकाशित: वैशाख ७, २०७४

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार