भिडियो

परीक्षार्थीले निकाले प्रजिअकै अगाडि गाइड र गेसपेपर

  • एसईई परीक्षा आजबाट
- अवधेशकुमार झा, राजविराज

चैत्र ३, २०७३- बिहीबारबाट सुरु भएको माध्यमिक शिक्षा परीक्षा (एसईई) अन्तर्गत सप्तरी जिल्लाका परीक्षा केन्द्रहरुमा चिट र गाईड/गेस पेपरको थुप्रो लाग्यो ।

प्रमुख जिल्ला अधिकारी कृष्णबहादुर कटुवालको नेतृत्वमा बिहान सदरमुकामका चार परीक्षा केन्द्रमा अनुगमन हुँदा परीक्षा कोठाबाट विद्यार्थीले धमाधम गाईड र गेस पेपर निकाल्न थाले ।

तर सप्तरीका जिल्ला शिक्षा अधिकारी डोलराज पाण्डे भने परीक्षा मर्यादित भइरहेको बताए । उनले परीक्षा केन्द्र भित्र फेला परेका गाईड र गेस पेपरको फोटो नखिच्न सञ्चारकर्मीलाई आग्रह पनि गरे ।

स्रोतका अनुसार परीक्षा केन्द्रमा निरीक्षक राख्ने क्रममा रकमको चलखेल भएको छ । विगतमा सप्तरीको एसएलसी परीक्षा अमर्यादित भइरहेको आरोपकाबीच केही वर्षयता सप्तरीको परीक्षा प्रणाली सुधार हुँदै गएको थियो ।

तर बिहीबारदेखी सुरु एसइई परीक्षा केन्द्रवाट अनुगमनकर्ताहरुको सानो आग्रहमा विद्यार्थीहरुले परीक्षा कोठाभित्रै धमाधम गाईड र गेस पेपर फालेको दृष्यले जिल्लाको परीक्षा प्रणालीलाई फेरी एकपटक ब्यवस्थित र मर्यादित बनाउनु जरुरी देखिएको छ ।

प्रकाशित: चैत्र ३, २०७३

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार