सूचना प्रविधि

नारी दिवसमा टेलिकमको छुट

- कान्तिपुर संवाददाता , काठमाडौं

फाल्गुन २५, २०७३- अन्तर्राष्ट्रिय नारी दिवसमा नेपाल टेलिकमले डाटा सेवामा सहुलियत दिने भएको छ । ‘फेसबुक प्याकेज’, ‘डे एन्ड नाइट प्याकेज’ र ‘नाइट डाटा प्याकेज’ योजनाअन्तर्गत यस्तो सहुलियत दिने भएको हो । सहुलियत बुधबारदेखि लागू हुनेछ । ‘फेसबुक प्याकेज’ अन्तर्गत ग्राहकले २२ रुपैयाँ ६० पैसामा पाँच दिनसम्म चौबीसै घण्टा उपभोग गर्न पाउने गरी एक सय मेगाबाइट्स (एमबी) डाटा पाउनेछन् । यसैगरी ‘डे एन्ड नाइट प्याकेज’ अन्तर्गत एक सय रुपैयाँमा राति १० देखि बिहान ६ बजेसम्म ५ सय एमबी र बिहान ६ बजेदेखि बेलुका ६ बजेसम्म १ सय एमबी डाटा सात दिनसम्म उपभोग गर्न पाउनेछन् । यसैगरी ‘नाइट डाटा प्याकेज’ अन्तर्गत ४५ रुपैयाँमा राति १० बजेदेखि बिहान ६ बजेसम्म ५ सय एमबी सात दिनसम्म र ९० रुपैयाँमा राति १० बजेदेखि बिहान ६ बजेसम्म १ हजार २ सय एमबी डाटा १५ दिनसम्म चलाउन पाइनेछ ।  

प्रकाशित: फाल्गुन २५, २०७३

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार