साहित्य/विविध

अनेसास विधान संशोधन सुझाव समिति तथा कथा संग्रह सम्पादन समिति गठन

- कान्तिपुर संवाददाता , काठमाडौं

फाल्गुन ६, २०७३-अन्तर्राष्ट्रिय नेपाली साहित्य समाजले डा. तारा निरौलाको संयोजकत्वमा पाँच सदस्यीय अनेसास विधान संशोधन सुझाव समिति गठन गरेको छ । 

उक्त समितिमा अनेसास ट्रष्टी सदस्य डा. विजयराज शर्मा, पूर्वउपाध्यक्ष राम खत्री, पूर्वविधान संशोधन सुझाव समितिका सदस्य धनिराम सापकोटा र साहित्यकार तथा अनेसास इजरायल च्याप्टरकी महासचिव निशा अर्याल रहेका छन् । समितिले आजीवन तथा ट्रष्टी सदस्यहरू, साहित्यकारहरु, च्याप्टरका पदाधिकारीहरु र अनेसासलाई माया गर्ने महानुभावहरुको सुझाव संकलन गरी वर्तमान विधानलाई समय सापेक्ष बनाउन आवश्यक पर्ने सुझावहरु केन्द्रीय कार्यसमितिमा पेश गर्ने छ । 

यसै गरी अन्तर्राष्ट्रिय नेपाली साहित्य समाजबाट नेपाली साहित्यका उत्कृष्ट छोटा कथाहरु संकलन, अनुबाद तथा प्रकाशन गर्ने उद्देश्यले पाँच सदस्यीय सम्पादन समिति गठनगरेको छ। सो समितिमा समालोचक लिला लुइँटेल,अनेसासका अध्यक्ष श्री पदम विश्वकर्मा, बरिष्ठ उपाध्यक्ष राधेश्याम लेकाली, महासचिव गोबर्धन पूजा र त्रिभुवन विश्वविद्यालयका प्राध्यापक महेश पौड्याल रहेका छन् ।

केन्द्रीय कार्यसमितिका अध्यक्ष पदम विश्वकर्माको अध्यक्षतामा हालै बसेको बैठकले उक्त निर्णयहरु गरेको हो ।

 

 

प्रकाशित: फाल्गुन ६, २०७३

अर्को समाचार

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

मुख्य समाचार